په ۲۰۲۴ کال کي د افغانستان د مالي راپورونو او معاملو د شنني مرکز لخوا د ۱۱۰ تحلیل سویو قضیو څخه، ۵۳ قضیې چي د پیسو وینځلو او د نورو اصلي جرمونو د شک لپاره یې کافي دلیلونو شتون درلود، د موندنو له راپورونو، تحلیلي پایلو او حماییوي اسنادو سره یو ځای د قانون پلي کوونکو ادارو ته د مستندولو، څېړلو او د نورو قانوني اجراآتو په پار خپرې سوي دي . لاندي جدول د ۲۰۲۴ کال په اوږدو کي د افغانستان د مالي راپورونو او معاملو د شنني مرکز لخوا د قانون پلي کونکو ادارو ته د خپرو سویو قضیو شمېر ښیي.
| شمېره | د قضییو شمېر | قانون پلی کوونکي او نور اړوندي ادارې |
|---|---|---|
| 1 | 1 | د امنیتي چارو معینیت - د کورنیو چارو وزارت |
| 2 | 6 | د جرایمو پر وړاندي د مبارزي او کشف ریاست – د کورنیو چارو وزارت |
| 3 | 1 | د تحقیقاتو لوي مدیریت- د کورنیو چارو وزارت |
| 4 | 1 | د تښتوني پر وړاندي د مبارزي عمومي مدیریت – د کورنیو چارو وزارت |
| 5 | 6 | د جنایی جرایمو د تحقیقاتو عمومي ریاست – د کورنیو چارو وزارت |
| 6 | 11 | د اقتصادي جرمونو سره د مبارزي ریاست - د کورنیو چارو وزارت |
| 7 | 6 | د تخنیکي هدف ګرځوني (انتک) ریاست – د کورنیو چارو وزارت |
| 8 | 2 | د استخباراتو لوي ریاست (GDI) |
| 9 | 1 | د استخباراتو د لوی ریاست 091 اداره |
| 10 | 16 | د استخباراتو د لوی ریاست 02 اداره |
| 11 | 1 | د بانکي څارنې او مالی خدمتونو آمریت |
| 12 | 1 | د احصایې او معلوماتو ملي اداره |
| ټولټال خپرې سوي قضیې | ۵۳ قضیې | |