د افغانستان د مالي معاملو او رپوټونو د شننې مرکز او د ملي امنیت عمومي ریاست تر منځ دد افغانستان بانک د مالي معاملو او رپوټونو شننې مرکز او د مالیزیا نګارا بانک د مالي استخباراتو واحد ترمنځ د مالي معلوماتو تبادلې په تړاو د همکاریو تفاهملیک لاسلیک شو

دپېسو وینځلو او له جرمونو څخه د راپیدا شوو عوایدو د مخنیوي قانون د د پیسو وینځلو او له جرمونو څخه د راپیدا شوو عوایدو د مخنیوي قانون د ۳۱ مې مادې پر بنسټ، د افغانستان بانک د مالي معاملو او رپوټونو د شننې مرکز (د مالي استخباراتو واحد) د مالیزیا نګارا بانک د مالي استخباراتو واحد سره د پیسو وینځلو، ترهګرۍ تمؤیل او نورو اړوندو اصلي جرمونو په تړاو د مالي معلوماتو د تبادلې په برخه کې د همکاریو تفاهملیک د روان ۲۰۱۹ زیږدیز کال د اګست میاشتې په ۱۹ مه نېټه چې د ۱۳۹۸هجري شمسي کال د زمري میاشتې ۲۸ مې نېټې سره سمون خوري، د آرام اقیانوس هیوادنو ډلې (APG) د کلنۍ غونډې په څنډه کې، د استرالیا پلازمینې د کانبیرا ښار کې لاسلیک کړ.

ددې تفاهملیک د لاسلیک کولو موخه د دواړو هیوادونو د مالي استخباراتو واحدونو ترمنځ د همکارۍ چوکاټ رامینځته کول، په ګړندي ډول د مالي معلوماتو تبادله، د پیسو وینځلو، ترهګرۍ تمؤیل او نورو اصلي جرمونو پر وړاندې د مبارزې په برخه کې د اغیزمن میکانیزم او همغږۍ رامینځ ته کول دي.

د تفاهملیک د مندرجاتو سره سم، د افغانستان بانک د مالي معاملو او رپوټونو د شننې مرکز او د مالیزیا نګارا بانک د مالي استخباراتو واحد د پیسو وینځلو، ترهګرۍ تمؤیل او نورو اړوندو اصلي جرمونو د څیړنو په برخه کې د همکارۍ په موخه په خودکار ډول او یا د دواړو اړخونو د غوښتنې په اساس د مالي معلوماتو راټولولو، شننې، تجزې او د مالي معلوماتو تبادلي اسانتیا ته دواړه ژمن دي.

همدارنګه د یادونې وړ دی چې د دوه اړخیزو همکاریو په لړ کې دا شلم تفاهملیک دی چې د افغانستان د مالي معاملو او رپوټونو د شننې مرکز لخوا بهرنیو سیالو ادارو سره د پیسو وینځلو، ترهګرۍ تمؤیل او نورو اصلي جرمونو د مالي معلوماتو د تبادلې په تړاو لاسلیک کیږي.






کلنۍ راپور 2020
کلنۍ راپور 2019